സുവിശേഷങ്ങള്‍ എല്ലാം തന്നെ ഒന്നാം നൂറ്റാണ്ടിന്റെ അവസാനപാദത്തില്‍ രചിക്കപ്പെട്ടവയായതിനാല്‍, യേശു പറഞ്ഞത് എന്താണെന്നതിനോളം തന്നെ പ്രധാനമാണ്, അദ്ദേഹത്തിന്റെ അപ്പസ്‌തോലന്മാര്‍ ഉള്‍പ്പെടെയുള്ള ആദ്യകാല അനുയായികള്‍ ആ പ്രബോധനങ്ങളില്‍ നിന്നും മനസിലാക്കിയത് എന്തായിരുന്നു എന്നുള്ളതും. ഇവിടെയാണ് ആദിമ ക്രൈസ്‌തവ സമൂഹങ്ങളുടെ ജീവിതരീതി പരിശോധിക്കേണ്ടതിന്റെ സാംഗത്യം വെളിവാകുന്നത്. യേശുവിന്റെ പ്രബോധനങ്ങളും ആദിമ ക്രൈസ്‌തവ സമൂഹത്തിന്റെ ജീവിതവും കൂട്ടിവായിക്കുമ്പോള്‍ അനുമാനിക്കേണ്ടത്, സമൂഹത്തിലെ സാമ്പത്തിക അസമത്വങ്ങള്‍ ഇല്ലാതാക്കിക്കൊണ്ടുവേണം യേശുവിന്റെ പാത പിന്തുടരേണ്ടത് എന്നാണ് ആദിമ ക്രൈസ്‌തവര്‍ യേശുവിന്റെ പ്രബോധനങ്ങളില്‍ നിന്നും മനസിലാക്കിയിരുന്നത് എന്നാണ്. രാജ്യഭരണം പിടിച്ചെടുക്കുക എന്നതിലുപരി, ക്രിസ്‌തുവിന്റെ പാത പിന്തുടരുന്നവര്‍ ഒരു പുതുസമൂഹസൃഷ്‌ടിക്ക് നേതൃത്വം വഹിക്കുക എന്നതായിരുന്നു വിഭാവനം ചെയ്യപ്പെട്ടിരുന്നത്. ക്രിസ്‌തുവിനു ശേഷമുള്ള ആദ്യ നൂറ്റാണ്ടുകളില്‍ പ്രബലമായ വ്യാഖ്യാനം തന്നെ ഇങ്ങനെയായിരുന്നു എന്നു കരുതാം.
Read more »

'ആ മറുപാതി എങ്ങനെ നശിക്കുന്നു (How The Other Half Dies, 1976) എന്ന കോളിളക്കം സ്രൃഷ്ടിച്ച പുസ്തകത്തിലൂടെ ലോകഭക്ഷ്യമേഖലയേയും നയവിശാരദന്മാരെയും കുലുക്കിയിട്ട സാമ്പത്തിക ശാസ്ത്രജ്ഞയാണ് സൂസന്‍ ജോര്‍ജ്ജ്. അവരുടെ കീഴിലുള്ള ഗവേഷണാന്വേഷണ സംഘടനയായ ട്രാന്‍സ്‌‌നാഷണല്‍ ഇന്‍സ്റ്റിറ്റൂട്ട് (Transnational Institute) ഈയിടെ പ്രസിദ്ധീകരിച്ച ചില പഠനങ്ങളില്‍ ലോകത്തു ഇന്നു നിലനില്കുന്ന സാമ്പത്തിക ഉച്ചനീചത്വത്തിന്റെ തെളിവാര്‍ന്ന ചിത്രങ്ങളുണ്ട്. ഗഹനമായ ഈ വിഷയത്തെക്കുറിച്ചുള്ള അതിലളിതങ്ങളായ ഏതാനും ഗ്രാഫിക്കുകള്‍.
Read more »

വ്യവസായഭീമന്‍ മുകേഷ് അംബാനിയുടെ റിലയന്‍സ് ഇന്‍ഡസ്റ്റ്രീസ് രാഘവ് ബെഹലിന്റെ നെറ്റ്വര്‍ക്ക്18 കമ്പനിയെ സങ്കീര്‍ണ്ണമായ ഒരു ഇടപാടീലൂടെ ഇക്കഴിഞ്ഞമാസം കൈക്കലാക്കിയതിന്റെ സാമൂഹ്യസാഹചര്യം എന്താണ്?. റിലയന്‍സ് രാജ്യത്തെ മുപ്പതോളം ചാനലുകളുടെ ഉള്ളടക്കം നിര്‍ണ്ണയിക്കാന്‍ കെല്പുള്ള ശക്തിയായി മാറുന്നതു ഒരു നിലക്കും ശുഭകരമല്ല. അംബാനിക്കു നെറ്റ്‌‌വര്‍ക്ക്18ന്റെ എതിര്‍ചാനലായ എന്‍ഡിടി‌‌വിയില്‍ രഹസ്യമായി ഉണ്ടെന്നു പറയപ്പെടുന്ന ഓഹരി പങ്കാളിത്തം കൂടീ കണക്കിലെടുത്താല്‍ അതു റൂപ്പര്‍ട്ടു മര്‍ഡൊക്കിനേക്കാള്‍ അപകടകരമായ ഒരു സാഹചര്യം വരുത്തിവക്കും. കോര്‍പ്പറേറ്റുകളടക്കമുള്ള വന്‍സ്രാവുകളെ വിമര്‍ശിക്കുകയും അവരുടെ ചെയ്തികള്‍ സമൂഹമധ്യത്തില്‍ തുറന്നു കാണിക്കുകയും ചെയ്യേണ്ട മാധ്യമങ്ങള്‍ തന്നെ അതേ കോര്‍പ്പറേറ്റുകളുടെ സ്വന്തമായി മാറുന്നതിലെ അപകടകരമായ ഐറണി കാണാതെപോകരുതു.
Read more »

പ്രധാന മന്ത്രിയുടെ കഴിവുകേടിനും, സര്‍ക്കാരിന്റെ കെടുകാര്യസ്ഥതയുക്കും, ഇതു രണ്ടും ചേര്‍ന്ന് രാജ്യത്തിനു വരുത്തി വച്ചിരിക്കുന്ന കോടിക്കണക്കിനു രൂപ നഷ്ടത്തിനും ഒരു രാജയെ ബലിയാടാക്കി കൊണ്ടു മാത്രം മറുപടി പറയാമെന്ന കോണ്‍ഗ്രസ് തന്ത്രം ഒരേ സമയം ജനത്തേയും നീതിപീഠത്തേയും നോക്കി കൊഞ്ഞനം കുത്തുന്നതിനു സമമാണ്. പ്രധാന മന്ത്രിക്ക് ആത്മാഭിമാനോ, അല്പമെങ്കിലും ഉത്തരവാദിത്വബോധമോ ഉണ്ടായിരുന്നെങ്കില്‍ ആ ഇരിക്കുന്ന ഓഫീസില്‍ നിന്നും ഇറങ്ങിപോകേണ്ടതാണ്. പക്ഷേ, അത്രയൊക്കെ മന്മോഹനില്‍ നിന്നും പ്രതീക്ഷിക്കുക അത്യാഗ്രഹമായിരിക്കും. ആകെ മുങ്ങിയാല്‍ മാത്രമല്ല, ആകെ നാറിയാലും ചിലപ്പോ കുളിരില്ല.
Read more »

 
Read more »

കേരളത്തിന്റെ, മലബാറിന്റെ, കോഴിക്കോടിന്റെ പൈതൃകവും പാരമ്പര്യവും ചര്‍ച്ച ചെയ്യുന്ന വിവിധ തലങ്ങളില്‍ നിന്നുള്ള നിരവധി രചനകള്‍ ഒരു പുസ്‌തകത്തില്‍ സമാഹരിച്ചു എന്നതാണ്‌ 'മലബാര്‍: പൈതൃകവും പ്രതാപവു'മെന്ന ഗ്രന്ഥത്തിന്റെ പ്രഭാവം. ഉദ്ധൃതദേശങ്ങളുമായി ബന്ധപ്പെട്ടുള്ള പഠനങ്ങള്‍ക്ക്‌ ആത്യന്തികമായി അവലംബിക്കാവുന്ന പ്രഥമകൃതികളിലൊന്നായി ഈ സമാഹാരം നമ്മുടെ ഗ്രന്ഥശേഖരങ്ങളില്‍ ഇടംപിടിക്കുമെന്ന്‌ തീര്‍ച്ച. മലബാറുമായി ബന്ധപ്പെട്ടുള്ള പുസ്‌തകങ്ങളില്‍ നല്ലൊരു ശതമാനവും ഏതെങ്കിലുമൊരു തലത്തില്‍ മാത്രം ശ്രദ്ധയൂന്നുവയാണ്‌ എന്നതിനാല്‍, പൈതൃകവും സംസ്‌കാരവും സാമൂഹികതയും ചരിത്രവുമെല്ലാം ഒരുമിച്ച്‌ ചര്‍ച്ച ചെയ്യുന്ന ഈ പുസ്‌തകത്തിന്‌ പ്രസക്തിയുണ്ട്‌.
Read more »

ഇന്ത്യയെക്കുറിച്ചു പറയുന്ന ഒരു ക്ലീഷേയുണ്ട്: 'ഈ രാജ്യത്തെക്കുറീച്ചു എന്തു വിശേഷിപ്പിച്ചാലും അതിന്റെ നേര്‍വിപരീതവും അത്രതന്നെ ശരിതന്നെയായിരിക്കും' ജനുവരി നാലാം വാരം സമാപിച്ച ജയ്പൂര്‍ സാഹിത്യസമ്മേളനത്തെക്കൂറിച്ചും ഇതു തന്നെ പറയാം. ഈ വര്‍ഷിക സാഹിത്യോത്സവത്തിനെതിരായി പറഞ്ഞുകേള്‍ക്കുന്ന ആരോപണങ്ങളില്‍ ഏറെയും കഴമ്പുള്ളതാണ്. ഇതൊരു കാര്‍ണിവലിന്റെ സ്വഭാവം കൈവരിച്ചിരിക്കുന്നു. പ്രത്യേകിച്ചും, ഒരു കച്ചവടക്കാര്‍ണ്ണിവലിന്റെ വിവിധരീതികള്‍ അതു പ്രകടമാക്കുന്നുണ്ട്. കോര്‍പ്പറേറ്റ് സ്പോണ്‍സര്‍ഷിപ്പിലാണ് കാര്യങ്ങളൊക്കെ നടക്കുന്നത്; മദ്യം, നിശാപാര്‍ട്ടികള്‍ എന്നിവക്കും വേണ്ടത്ര പ്രാധാന്യം നല്‍കുന്നുണ്ട്; പങ്കെടുക്കുന്നവരില്‍ ഏറെയും ഉപരിവര്‍ഗ്ഗപ്രതിനിധികളാണ്. എന്നാല്‍ ഇതിനൊക്കെ മറുപുറങ്ങളുണ്ട്.
Read more »

മുതലാളിത്ത പ്രതിസന്ധി കൂടുതല്‍ രൂക്ഷമാകുകയാണെന്നും, ലോകസാമ്പത്തിക രംഗം ഒന്നാകെ കൂപ്പുകുത്താനുള്ള സാധ്യത ധാരാളമാണെന്നും ഐഎംഎഫിന്റെ (International Monetary Fund) എറ്റവും പുതിയ World Economic Outlook മുന്നറിയിപ്പു തരുന്നു. നടപ്പുവര്‍ഷത്തെ ആഗോള സാമ്പത്തിക വളര്‍ച്ചാനിരക്ക് നേരത്തേ പ്രവചിച്ചിരുന്ന 4 ശതമാനത്തില്‍ നിന്നും 3.25 ശതമാനത്തിലേക്കു വെട്ടിക്കുറച്ച ഐഎംഎഫ് പ്രതിസന്ധിയുടെ കേന്ദ്രം കടക്കെണിയിലാണ്ടു കിടക്കുന്ന യൂറൊ മേഖലയാണെന്നും പറയുന്നു. 2008ലെ ലെമാന്‍ ബ്രദേഴ്സ് പതനം പോലെ ഒരു ആഘാതം കൂടി സഹിക്കാനുള്ള ആരോഗ്യം ആഗോള സമ്പദ്ഘടനയ്ക്കില്ല എന്ന ശക്തമായ മുന്നറിയിപ്പും റിപോര്‍ട്ടിലുണ്ട്. 2008ല്‍ പ്രതിസന്ധി രൂക്ഷമായതു മുതല്‍ ആഗോള സമ്പദ്ഘടയുടെ നെടുംതൂണുകളായിരുന്ന ഇന്ത്യയിലും ചൈനയിലും വളര്‍ച്ച മുരടിക്കുകയാണെന്നും നാണ്യനിധി പറയുന്നു.
Read more »

രണ്ടാം യുപിഎയുടെ ഭരണത്തില്‍ നിങ്ങള്‍ ഇനിയും തൃപ്തരല്ലെ? എങ്കില്‍, സര്‍ക്കാരിനെ പുതിയ ജലനയം നടപ്പില്‍ വരുന്നതു വരെ ഒന്നു ക്ഷമിക്കൂ. ജനങ്ങളെ വറചട്ടിയില്‍ നിന്നും എരിതീയിലേക്കു വലിച്ചെറിയാന്‍ ലക്ഷ്യം വച്ചുള്ളതാണ് പുതിയ ജലനയമെന്ന് 'ദ ഹിന്ദു' ദിനപത്രത്തിന്റെ ജനുവരി 21ലെ റിപോര്‍ട്ട് സൂചിപ്പിക്കുന്നു. പുതിയ ദേശീയ ജലനയത്തിന്റെ 15 പേജു വരുന്നു കരടു രൂപം സര്‍ക്കാര്‍ ജലവിദഗ്ദര്‍ക്ക് ചര്‍ച്ചയ്ക്കായി വിതരണം ചെയ്തു കഴിഞ്ഞു. ജലവിതരണ രംഗത്തു നിന്നും സര്‍ക്കാര്‍ പൂര്‍ണമായും പിന്‍മാറണമെന്നും, പകരം ആ മേഖല സ്വകാര്യവത്കരിക്കണമെന്നുമാണ് കരടുരേഖയുടെ ഏറ്റവും സുപ്രധാന ശുപാര്‍ശ. മാത്രമല്ല, ജലത്തെ പൂര്‍ണമായും ഒരു വാണിജ്യവത്കരിക്കണമെന്നും, കമ്പോള നിരക്കിനനുസരിച്ചുള്ള വില ചുമത്തണമെന്നും നിര്‍ദേശമുണ്ട്.
Read more »

ആവിഷ്കാരസ്വാതന്ത്ര്യത്തെക്കുറിച്ചും ഭരണകൂടത്തിന്റെ സാമൂഹികോത്തരവാദിത്വത്തിന്റെ അളവുകോലുകളെക്കുറിച്ചും ഒന്നിലധികം ചോദ്യങ്ങളുയര്‍ത്തി 2012 ജയ്പൂര്‍ സാഹിത്യ സമ്മേളനത്തിനു കൊടിയിറങ്ങി. നിശ്ചയിക്കപ്പെട്ടിരുന്നപോലെ വിവാദ നോവലിസ്റ്റ് സല്‍മാന്‍ റഷ്ദിയുമായി വീഡിയോ മുഖാമുഖം പോലും സംഘാടകര്‍ക്കു കഴിയാതെ വന്നസാഹചര്യമുണ്ടായത് ഇന്ത്യയില്‍ ആരൊക്കെയാണ് ആവിഷ്കാരസ്വാതന്ത്ര്യത്തിന്റെ മുഖ്യവിചാരിപ്പുകാരും അജണ്ട നിശ്ചയിക്കുന്നവരുമെന്നു വെളിപ്പെടുത്തിത്തരുന്നു. ഒന്നിലധികം കേസുകള്‍ ജയ്പൂരും ആഗ്രയുമടക്കം രാജ്യത്തെ വിവിധ കോടതികളില്‍ നിരോധിക്കപ്പെട്ട പുസ്തകമായ 'സാത്താന്റെ വചനങ്ങളി'ല്‍ നിന്നുള്ള നിര്‍ദ്ദോഷ ഭാഗങ്ങള്‍ വായിച്ച എഴുത്തുകാരായ രുചിര്‍ ജോഷിയും, ജീത് തയ്യിലും ഭീഷണികളെത്തുടര്‍ന്നു ഇപ്പോളും ഒളിവിലാണ്.
Read more »

അഞ്ചു സംസ്ഥാനങ്ങളില്‍ നടക്കാനിരിക്കുന്ന അസംബ്ലി തെരഞ്ഞെടുപ്പ് രാജ്യം ഭരിക്കുന്ന യുപിഎയെ സംബന്ധിച്ചിടത്തോളം നിര്‍ണായകമാണ്. പ്രത്യേകിച്ചും ഉത്തര്‍പ്രദേശിലെ തെരഞ്ഞെടുപ്പു ഫലം ദില്ലിയില്‍ വലിയ മാറ്റങ്ങള്‍ക്കു കളമൊരുക്കുമെന്നാണ് പൊതുവെ പ്രതീക്ഷിക്കപ്പെടുന്നത്. ഉത്തര്‍ പ്രദേശിനു പുറമേ മണിപ്പൂര്‍, പഞ്ചാബ്, ഉത്തരഖണ്ഡ്, ഗോവ എന്നീ സംസ്ഥാനങ്ങളാണ് തെരഞ്ഞെടുപ്പ് നേരിടുന്നത്. ജനുവരി 28നു മണിപ്പൂരിലാരംഭിക്കുന്ന സെമി ഫൈനല്‍ മാര്‍ച്ച് 3 വരെ നീണ്ടു നില്‍ക്കും. മാര്‍ച്ച് 6നാണ് ഫലപ്രഖ്യാപനം. കോണ്‍ഗ്രസിനെ സംബന്ധിച്ച് രാഹുല്‍ ഗാന്ധിയുടെ ഭാവി നിര്‍ണയിക്കപ്പെടുന്ന തെരഞ്ഞെടുപ്പ് കൂടിയായിരിക്കും ഇത്. ബിജെപിക്ക് 2014ലെ മഹാമാമാങ്കത്തിലേക്കുള്ള തെയ്യാറെടുപ്പും. മായാവതി കോട്ട കാക്കാനും, മുലായം-അഖിലേഷ് റ്റീം അതു പൊളിക്കാനും പാടുപെടുന്നു.
Read more »

ഭീകരതയുടെ കാര്യത്തില്‍ എന്താണ് ഉമ്മന്‍ ചാണ്ടിയുടെ രാഷ്ട്രീയം എന്നതാണ് ഗൗരവപൂര്‍ണമായ ചോദ്യം. ഈ വാര്‍ത്ത പ്രസിദ്ധീകരിച്ച ‘മാധ്യമം’ വാരികയുടെ നടപടി വര്‍ഗീയമാണെന്ന് കുറ്റപ്പെടുത്തിയതിലൂടെ പൗരാവകാശത്തെ മുമ്പൊരിക്കലുമില്ലാത്ത വിധം അവമതിക്കുകയാണ് ചാണ്ടി ചെയ്തത്. മുസ്ലിം ലീഗ് സഖ്യകക്ഷിയായ ഒരു ഭരണമാണ് കേരളത്തില്‍ നടക്കുന്നത് എന്നിരിക്കെ ചാണ്ടിയുടെ സമീപനം കുറെക്കൂടി നിലവാരം കെട്ടതായി മാറി. ലീഗ് ഒരു ചത്തകുതിരയാണോ അല്ലേ എന്നത് കേരളത്തിലെ മുസ്ലിം സമൂഹത്തിന് അറിയേണ്ട കാര്യമില്ല. പക്ഷെ ലീഗിനെ അടിച്ചൊതുക്കാന്‍ വേണ്ടിയും ബിജെപിയെ ചാക്കിലാക്കാനും ചാണ്ടി ബോധപൂര്‍വ്വം നടത്തിയ പ്രസ്താവനയല്ല ഇതെങ്കില്‍ അദ്ദേഹത്തിന്‍െറ സാമാന്യബോധം പോലും ചോദ്യം ചെയ്യപ്പെടേണ്ടതായിട്ടു വരും.
Read more »

Read more »

ഒരു പതിറ്റാണ്ടിനു മുന്‍പ് നാം കണ്ട ദിലീപ് കഥാപാത്രത്തെ അതു പോലെ തന്നെ സൃഷ്ടിക്കാനാണ് സംവിധായകന്‍ ശ്രമിച്ചിരിക്കുന്നത്. അതേ മുഖഗോഷ്ടികള്‍, അതേ നിഷ്കളങ്കത, അതേ പങ്കപ്പാടുകള്‍! ഒരേയൊരു വ്യത്യാസം ഇത്തവണ ദിലീപ് സ്പെയിനിലെത്തിയിട്ടുണ്ട് എന്നതാണ്. നായകനെ ചുറ്റിനുമുള്ളവര്‍ വിഡ്ഢിവേഷം കെട്ടിക്കുന്നത് കണ്ടു നില്‍ക്കുന്ന നായികയ്ക്കുണ്ടാവുന്ന അനുകമ്പ ഇതിനു മുന്‍പ് എത്ര മലയാള സിനിമയില്‍ വന്നിട്ടുണ്ട് എന്ന ചോദ്യം ഒരു ക്വിസ് രൂപത്തില്‍ സിനിമയുടെ അവസാനം പ്രേക്ഷകരോടു ചോദിക്കാവുന്നതായിരുന്നു. ശരിയുത്തരം പറയുന്നവര്‍ക്ക് ഒരു പവന്‍ എന്നെങ്കിലും പരസ്യം ചെയ്താല്‍ പടം കാണാന്‍ ഒരുപക്ഷേ നാലാളു കയറിയേക്കാം.
Read more »

മതത്തിന്റെ പേരിലുള്ള വേട്ട ഇന്ത്യയില്‍ സുരക്ഷിതമാണെന്ന് ഈ വേട്ടക്കാരെ ആരും പഠിപ്പിക്കേണ്ടതില്ല. എന്തും ചെയ്യാം. ആരേയും ഉപദ്രവിക്കാം. ആരുടെ സ്വാതന്ത്ര്യവും ഹനിക്കാം. വേണ്ടി വന്നാല്‍ ഒരു വംശഹത്യ തന്നെ സംഘടിപ്പിക്കാം. എന്തും ഇന്ത്യാ മഹാരാജ്യത്തു നടക്കും. വിഷയം മതമായാല്‍ മതി. മതത്തിന്റെ പേരിലുള്ള തിട്ടൂരങ്ങള്‍ക്ക് ഇന്ത്യയില്‍ ഇച്ഛാഭംഗമുണ്ടാവില്ല. അതാണീ രാജ്യത്തിന്റെ ചരിത്രം. ശാപം. റഷ്ദിക്കെതിരെ ഫത്വ ഇറക്കിയവര്‍ക്കും നിരാശപ്പെടേണ്ടി വന്നില്ല. തെമ്മാടിക്കൂട്ടങ്ങളെ നിലയ്ക്കു നിര്‍ത്തി എഴുത്തുകാരന്റെ സന്ദര്‍ശനത്തിനു വേണ്ട സുരക്ഷ പ്രദാനം ചെയ്യേണ്ട ഭരണകൂടം പക്ഷേ ഇന്ത്യന്‍ ഭരണഘടനയെ നോക്കി കൊഞ്ഞനം കുത്തുകയാണു ചെയ്തത്.
Read more »

എന്തു കൊണ്ട് സീറിയന്‍ പ്രസിഡന്റ് ബഷര്‍ അല്‍ അസദ് വീണില്ല? സീറിയയില്‍ ഭരണകൂട വിരുദ്ധ പ്രക്ഷോഭം പൊട്ടിപ്പുറപ്പെട്ടിട്ട് മാസങ്ങളായി. പ്രക്ഷോഭകാരികള്‍ക്ക് തുര്‍ക്കിയുടേയും, ഗള്‍ഫ് രാജാക്കന്മാരുടേയും, പടിഞ്ഞാറന്‍ രാജ്യങ്ങളുടേയും തുറന്ന പിന്തുണയുണ്ട്. തുര്‍ക്കി-സീറിയന്‍ അതിര്‍ത്തി വഴി വിമതര്‍ക്ക് ആയുധങ്ങള്‍ കിട്ടിക്കൊണ്ടിരിക്കുന്നു എന്നു വരെ റിപോര്‍ട്ടുകളുണ്ട്. അമേരിക്കയുടെ നേതൃത്വത്തില്‍ നയതന്ത്രപരമായി സീറിയന്‍ ഭരണകൂടത്തെ ഒറ്റപ്പെടുത്താനുള്ള ശ്രമങ്ങള്‍ തകൃതിയായി നടക്കുന്നുമുണ്ട്. ഐക്യരാഷ്ട്ര സഭയുടെ കണക്കനുസരിച്ച് അയ്യായിരത്തിലധികം ആളുകള്‍ ഇതിനകം തന്നെ സീറിയന്‍ സംഘര്‍ഷത്തില്‍ കൊല്ലപ്പെട്ടു കഴിഞ്ഞു. എങ്കിലും മുബാറക്കിന്റേയോ, ഗദ്ദാഫിയുടേയോ ഗതി സീറീയന്‍ പ്രസിഡന്റ് അസദിനു വരുമെന്ന് കരുതുന്നവര്‍ ചുരുക്കം. എന്തുകൊണ്ട്?
Read more »

അതീവശ്രദ്ധയോടെ പരിചരിച്ചിട്ടും ജഢങ്ങളുടെ ഇപ്പോളത്തെ രൂപം ആരെയും അസ്വസ്ഥമാക്കാന്‍ പോന്നതായിരുന്നു. ചെറിച്ചുവപ്പുള്ള വെല്‍വറ്റു കുപ്പായത്തില്‍ നാന്‍സി. അനുജനു കുറൂകെവരകളുള്ള ഉദിച്ച നിറമുള്ള ഷര്‍ട്ട്. കുറെക്കൂടെ അന്തസ്സാര്‍ന്ന വസ്ത്രങ്ങളിലായിരുന്നു അവരുടെ മാതാപിതാക്കള്‍ കിടന്നിരുന്നതു. മിസ്റ്റര്‍ ക്ലട്ടര്‍ നാവികനീലം നിറഞ്ഞ കമ്പിളികുപ്പായത്തിലും, ഭാര്യ അതേനിറത്തിലുള്ള മ്രൃദുമേല്‍ക്കുപ്പായത്തിലും. എന്നാല്‍ ഒരു വസ്തുത ആ അവസ്ഥക്കു വിറപ്പിക്കുന്ന പശ്ചാത്തലം നല്കിയിരുന്നു: ഒരോ ശിരസ്സും ഇരട്ടിവീര്‍ത്ത കൊക്കൂണുകളെപ്പോലെ തോന്നി. ഒരോ ജഢത്തിന്റെയും ശിരസ്സു കോട്ടണ്‍ കൊണ്ടു പൂര്‍ണ്ണമായും പൊതിഞ്ഞ് അതിന്മേല്‍ പശപശപ്പുള്ള തിളക്കമാര്‍ന്ന എന്തോ ഒന്നു പൂശിയിരുന്നു.
Read more »

സരോജ് കുമാര്‍ പ്രതിനിധീകരിക്കുന്ന വിഡ്ഢിയായ, 'പൂത്ത വയറുള്ള' സൂപ്പര്‍ താരം എന്ന നെഗറ്റീവ് ഇമേജിന്റെ കൗണ്ടര്‍ഫെയ്സാണ് വിനയാന്വിതനായ, ബുദ്ധിമാനായ, സ്ക്രിപ്റ്റു വായിച്ചതിനു ശേഷം മാത്രം അഭിനയിക്കുന്ന ശ്യാം എന്ന യുവനടന്‍. ഒന്നാം പകുതിയിലെ ഗോഷ്ടികളും, രണ്ടാം പകുതിയിലെ ഈ ബൈനറിയുമായാല്‍ ശ്രീനിവാസന്റെ പുതിയ സിനിമയായി. പല രംഗങ്ങളിലും ഹാസ്യം തിരുകി കയറ്റാണുള്ള തിരക്കഥാകൃത്തിന്റെ ശ്രമം അരോചകമാണ്. സരോജ് കുമാറിന്റെ മേക്കപ്മാന്‍-ഫാന്‍സ് ക്ലബ് നേതാവ് വേഷത്തില്‍ വരുന്ന സുരാജ് വെഞ്ഞാറമൂട് മുറതെറ്റാതെ പ്രേക്ഷ പീഡനം തുടരുന്നു.
Read more »

ഒന്നു മയങ്ങിയപ്പോളാണോര്‍ത്തത് സ്വപ്നത്തിന്റെ അരികുമുറിഞ്ഞിരിക്കുന്നു ഇന്നലെക്കണ്ട ഇരട്ടവാലന്‍കിളി ഒരു ചെങ്കതിര്‍കൊത്തിപ്പിടിച്ച്  അയ്യോ, അല്ല, ഒരു ചോരക്കതിര്‍തൂക്കിപ്പിടിച്ചു നൊന്തുപായുന്നു; ആല്മരത്തിന്‍ചോട്ടിലൊരണ്ണാന്‍ മുതുകിലെമൂവരമാന്തിപ്പൊളിക്കുന്നു; ആര്‍ത്തനാദം ചുവപ്പിച്ചുമുഴക്കിയൊരുവേഴാമ്പലിന്‍ മരണ വണ്ടി തെക്കോട്ടു ഝടുതിയില്‍. കരുതിവെച്ചകോടിപുതച്ചുഗൗതമന്‍ വെറുംമണ്ണിനെ- യുമ്മവെച്ചുണരാതെയകം പൊള്ളിയുറങ്ങുന്നു. ഇത്രമതി, സമയമായിപോലും; ഇനിയുണരാം. ചന്ദ്രകളഭം ചാര്‍ത്തിയുറങ്ങും തീരമേ, ലാ ലാ ലാ. ത്ഫൂ! – ബോധി
Read more »

Read more »

ദ്രാവിഡഗോത്രത്തിലെ രണ്ടു വംശങ്ങള്‍, തമിഴരും മലയാളികളും, തുറന്ന പോരാട്ടത്തിലെത്തി നില്‍ക്കുമ്പോള്‍ എവിടെപ്പോയി ഈ ആള്‍ദൈവങ്ങള്‍? എന്തേ അവര്‍ ഇങ്ങോട്ട് കടന്നുവരാഞ്ഞത്? സ്നേഹംകൊണ്ട് പരിഹരിക്കാന്‍ കഴിയാത്ത പ്രശ്നങ്ങള്‍ എന്തുണ്ട് ഈ ലോകത്തില്‍? എന്നിട്ടും കാമ്പുള്ള പ്രസ്താവനകള്‍ പോലും ഇവരില്‍ ആരില്‍ നിന്നും കണ്ടില്ല ദൈവങ്ങളും യുക്തിപൂര്‍വ്വം ചിന്തിക്കുകയാവാം. സ്നേഹാലിംഗനവും ജീവനകലയും പ്രാദേശിക വികാരം കത്തിനില്‍ക്കുന്ന ഇടങ്ങളില്‍ വിനിമയം ചെയ്യപ്പെടില്ല.
Read more »

സാമ്രാജ്യത്വം അതിന്റെ ഭീകരതകള്‍ ഒരുവശത്തു തുടരുമ്പോഴും വലതുപക്ഷ അക്കാദമിക്കുകള്‍ എഴുതിത്തള്ളിയ ജനകീയ മുന്നേറ്റങ്ങള്‍ മറ്റെന്നത്തെക്കാളുമുപരിയായി തിരികെ വരുന്നതിനാണ് പോയ വര്‍ഷം സാക്ഷ്യം വഹിച്ചത്. ഇത്തരം മുന്നേറ്റങ്ങള്‍ ജനവിരുദ്ധ ഭരണകൂടങ്ങളെ കടപുഴക്കുന്ന കാഴ്ചകളാവും 2012-ല്‍ ലോകം സാക്ഷ്യം വഹിക്കാന്‍ പോവുന്നത്.
Read more »

കേരളത്തിന്റെ ഇടതുപക്ഷ രാഷ്ട്രീയ ചരിത്രത്തില്‍ പാര്‍ടിയും പ്രവര്‍ത്തകരും ഒരുപോലെ ധാര്‍മികമായി വേട്ടയാടപ്പെട്ട ഒരു സംഭവമായിരുന്നു എസ്എന്‍സി ലാവാലിന്‍ ഇടപാട് വിവാദം. ഇതിന്‍മേല്‍ ഉയര്‍ന്ന സാമ്പത്തിക അഴിമതി ആരോപണവുമാവി ബന്ധപ്പെട്ട് 2011 ഡിസംബര്‍ 19നു സിബിഐ തങ്ങളുടെ അന്വേഷണ റിപോര്‍ട്ട്‌ സിബിഐ സ്പെഷ്യല്‍ കോടതി മുന്‍പാകെ സമര്‍പ്പിച്ചു. ഈ റിപോര്‍ട്ടില്‍ സിപിഎം സംസ്ഥാന സെക്രട്ടറി പിണറായി വിജയനെതിരെ ഉയര്‍ന്ന സാമ്പത്തികപരമായ ആരോപണങ്ങള്‍ക്ക് തെളിവില്ല എന്ന് അന്വേഷണ ഏജന്‍സി കോടതി മുന്‍പാകെ രേഖാമൂലം അറിയിച്ചിരിക്കുന്നു. വ്യക്തിപരമായ നേട്ടത്തിനോ സാമ്പത്തിക ദുരുദ്ദേശ്യത്തോടു കൂടിയോ അല്ലാത്ത നയപരമായ വീഴ്ചകള്‍ എന്ന ഗണത്തില്‍ പെടുത്തിയാണ് ഇനി ഈ കേസ് കോടതി മുന്‍‌മ്പാ‍കെ വാദ പ്രതിവാദങ്ങള്‍ക്കായി വരിക എന്ന് ഏറെക്കുറെ ഉറപ്പായി കഴിഞ്ഞു.
Read more »

"ചിലപ്പോഴൊക്കെ അങ്ങിനെയാണ്, ഇരുട്ടുപക്കത്തെപ്പോഴോ ആകാശം കൊടിമുറ്റി നില്‍ക്കുന്ന വെള്ളച്ചീനിയുടെ ഏറ്റവും ഉയരം കൂടിയ എകരത്തില്‍ കിടന്ന പെരുന്തേനെടുത്ത് മരത്തിന്റെ ചുവട്ടില്‍ വരുമ്പോഴാവും ഫോറസ്റ്റുകാരന്‍ അത് ബലമായി പിടിച്ച് വാങ്ങി അവന്റെ കരണക്കുറ്റിക്കൊന്നു കൊടുക്കുന്നത്. ആദിവാസി തേന്‍ ശേഖരിക്കുന്നത് കുറ്റകരമാണത്രെ.!! പിന്നെ ഫോറസ്റ്റ് ഓഫീസിലേക്ക് കൊണ്ടുപോവും, അവിടെ വെടിയിറച്ചിയും തിന്ന് ചാരായവും കുടിച്ചിരിക്കുന്ന മറ്റ് ഏമാന്‍മാര്‍ അവന്റെ നാലുകെട്ടിനിടിക്കും. അറിഞ്ഞ് കേട്ട് പിറ്റേ ദിവസം നമ്മള് ചെല്ലുമ്പോ നമ്മടെ കൊച്ചന് ഏറ്റുനിന്ന് മൂത്രമൊഴിക്കാനുള്ള ത്രാണിപോലുമുണ്ടാവില്ല". ഒരു ജനതയുടെ വലിയ ദുരിതത്തിന്റെ ഒരു ചെറിയ അംശത്തെക്കുറിച്ച് ഇങ്ങനെ പറഞ്ഞ കോഴിമലയിലെ ആദിവാസികളുടെ രാജാവ് അരിയന്‍ രാജമന്നാന്‍ ഇന്ന് ആ ജനതക്കൊപ്പമില്ല.
Read more »