Author Archive

ലോകത്താകമാനം നേരിട്ടുകൊണ്ടിരിക്കുന്ന സാമ്പത്തിക പ്രതിസന്ധി എത്രത്തോളം ഇന്ത്യൻ സമ്പദ്ഘടനയെ പിടിച്ചുലയ്ക്കുന്നുണ്ട്? സാമ്പത്തിക വളർച്ചയിലെ ഏതൊക്കെ മേഖലകളാണ് പ്രതിസന്ധിയിൽ അകപ്പെട്ടിരിക്കുന്നത്? ഈ സാഹചര്യത്തിലാണ് കേരളത്തിലെ സാമ്പത്തിക വളർച്ച ഒൻപത് ശതമാനത്തിനും മുകളിലാണ് എന്ന വസ്തുത ഉയർത്തിക്കാട്ടി കേരളത്തിലെ സാമ്പത്തിക അവലോകനം മുന്നോട്ടുവച്ച്‌കൊണ്ട് ധനമന്ത്രി കെഎം മാണി തന്‍റെ പതിനൊന്നാം ബജറ്റ് അവതരിപ്പിക്കുന്നത്. കേന്ദ്ര കേരള സാഹചര്യങ്ങളെ വർദ്ധിക്കുന്ന സാമ്പത്തിക മാന്ദ്യത്തിന്റെ വെളിച്ചത്തിൽ മനസ്സിലാക്കുക എന്നതാണ് ഈ ലേഖനത്തിന്റെ ലക്ഷ്യം.
Read more »

ചെയ്യേണ്ട പലകാര്യങ്ങളിലേയും വ്യത്യസ്തതകളെ കുറിച്ചും പരാമർശമുണ്ട്. എന്നാൽ സ്ത്രീയും പുരുഷനും പരസ്പര പൂരിതങ്ങളായി തങ്ങളുടെ പ്രവർത്തനങ്ങളിലേർപ്പെടണമെന്നും അതുവഴി സാമൂഹിക കെട്ടുറപ്പ് നിർമിക്കപ്പെടും എന്നും സയ്യിദ് ഖുതുബ് രചിച്ച 'ഫി-സിലാലല്‍ ഖുര്‍ആന്‍' അധികരിച്ച് അമിന വുദൂദ് പറയുന്നു. ഇത്തരത്തിലുള്ള സംവാദങ്ങൾ പലതും പലവിഷയങ്ങളിലും കാലങ്ങളായി നടക്കുമ്പോഴും അതിന്റെ വെളിച്ചത്തിൽ ഒരിടത്തും ഖുർആൻ ഏകാർത്ഥമോ, ഒരു വേഷം മാത്രമായോ സ്ത്രീക്കോ പുരുഷനോ പൂർണമായി നൽകുന്നില്ല (ഖുർആൻ അവതരിപ്പിക്കപ്പെട്ട സമയവും ഇടവും ആളുകളും തന്നെ വിഭിന്നങ്ങളായിരുന്നുവെന്നത് ചരിത്രപരമായിരിക്കുമ്പോൾ ഈ...
Read more »

'റെഡ് വൈൻ' ഒരു കുറ്റാന്വേഷ ണ ചിത്രമാണ് . എന്നാൽ 'ചെയ്തവനാര്?' എന്ന ഉദ്വേഗത്തിൽ മുന്നോട്ടു നീങ്ങുന്ന ഒരു "Whodunnit " മോഡലിലുള്ള സിനിമയുമല്ല. 'യവനിക', 'കരിയിലക്കാറ്റു പോലെ', 'ഉത്തരം', 'ഈ കണ്ണി കൂടി', എന്നിങ്ങനെ ചുരുക്കം ചില ചിത്രങ്ങളെ ഈ വിഭാഗത്തിൽ മലയാളത്തിൽ പുറത്തിറങ്ങിയിട്ടുള്ളൂ. എസ് എൻ സ്വാമി ബ്രാൻഡിലുള്ള കുറ്റാന്വേഷണ ചിത്രങ്ങളല്ല മേൽ പറഞ്ഞവയൊന്നും . കുറ്റവാളിയാര് എന്നറിയുന്നതിൽ അല്ല സിനിമയുടെ മർമം.
Read more »

പ്രാകൃതമായ ആഫ്രിക്ക എന്ന രൂപകത്തിന്റെ ഏറ്റവും വലിയ പൊളിച്ചെഴുത്താണ് തന്റെ കൃതികളിലൂടെ അചെബി നടത്തിയത്. അതിനോടൊപ്പം തന്നെ ആഫ്രിക്കന്‍ സംസ്കാരത്തെ ലോകത്തിനു മുന്നില്‍ പ്രതിരോധിക്കുക എന്നതും തന്റെ മതമായി അചെബി കണ്ടു. 1975ല്‍ 'ആന്‍ ഇമേജ് ഓഫ് ആഫ്രിക്ക: റേസിസം ഇന്‍ കൊണ്‍‌റാഡ്സ് ഹാര്‍ട് ഓഫ് ഡാര്‍ക്നെസ്' എന്ന പ്രഭാഷണത്തില്‍ ജോസഫ് കൊണ്‍‌റാഡിന്റെ 'ബ്ലഡി റേസിസ്റ്റ്' എന്നദ്ദേഹം വിളിക്കുകയുണ്ടായി. 'ഇരുണ്ട ഹൃദയമുള്ള ആഫ്രിക്ക' എന്ന പാശ്ചാത്യ സങ്കല്പനത്തെ എന്തു വിലകൊടുത്തും അദ്ദേഹം നിരന്തരം നിരാകരിച്ചു...
Read more »

ഇസ്ലാമിന്റെ ആദ്യകാലത്ത്, ലോകത്തിനു തന്നെ മാതൃക എന്നു പറയാവുന്ന സാമൂഹ്യരീതി ഉണ്ടായിരുന്നു. പ്രത്യേകിച്ചും സ്തീ-പുരുഷന്മാര്‍ക്ക് സ്വതന്ത്രമായി ഇടപെടാനുള്ള സാമൂഹ്യാന്തരീക്ഷം അന്നുണ്ടായിരുന്നു. പ്രവാചകനുമായി ബന്ധമുള്ള ഒരു സ്ത്രീയും അറിയപ്പെടാതിരുന്നിട്ടില്ല. മദീനയിലേക്കുള്ള പ്രവാചകന്റെ യാത്ര തന്നെയെടുക്കുക. ആ യാത്രയെ കുറിച്ച് വിശ്വാസത്തിന്റെ തലത്തിലല്ലാതെ മറ്റൊരു വ്യാഖ്യാനം കൂടിയുണ്ട്. അതു ഖദീജയുടെ വേര്‍പാടുമായി ബന്ധപ്പെട്ടാണ്. അവര്‍ അത്രയും ശക്തമായ തുണയായിരുന്നു അദ്ദേഹത്തിന്. അവരുടെ വേര്‍പാടിനെ തുടര്‍ന്നാണ് അദ്ദേഹം വീണ്ടും ഓര്‍ഫനാവുന്നത്. ശക്തരായ സ്ത്രീകളാണ് അന്നുണ്ടായിരുന്നത്. അന്നത്തെ കാലത്തെ ആ ഊന്നല്‍,...
Read more »

ഏതു നൂറ്റാണ്ടിലേതാണ് നമ്മുടെ സിലബസുകള്‍? പുതിയ കാലത്തിന്റെ ഏതു വെല്ലുവിളികളെയാണ് നമ്മള്‍ ക്ലാസുകളില്‍ അഭിസംബോധന ചെയ്യുന്നത്? ലോകത്തിന്റെ നാനാഭാഗങ്ങളില്‍ നടക്കുന്ന/നടന്നിട്ടുള്ള വിപ്ലവ സാമൂഹിക മുന്നേറ്റങ്ങളെ എത്ര നിസാരവത്കരിച്ച്, പൈങ്കിളിവത്കരിച്ചാണ് നമ്മുടെ സാമൂഹിക ശാസ്ത്ര പുസ്തകങ്ങള്‍ നമ്മുടെ കുട്ടികള്‍ക്ക് മുന്‍പില്‍ അവതരിപ്പിക്കുന്നത്. അനുദിനം വര്‍ധിച്ചുവരുന്ന മനുഷ്യാവകാശ പ്രശ്നങ്ങളോടും, നീതി നിഷേധത്തോടും ഒക്കെ മൃദു സമീപനം സ്വീകരിക്കാനല്ലാതെ മറ്റെന്താണ് നമ്മുടെ പുസ്തകങ്ങള്‍ ആഹ്വാനം ചെയ്യുന്നത്? ബൂര്‍ഷ്വാ ജീവിതത്തെ മഹത്വവത്കരിക്കയും, അത് കുട്ടികളുടെ സ്വപ്നങ്ങളിൽ നട്ടു വളർത്തുകയും അതിലൂടെ ജീവിതത്തിന്റെ യാഥാര്‍ഥ്യങ്ങളില്‍ നിന്ന് അവരെ മുഖം തിരിച്ചു...
Read more »

ചാവേസ് ഒരു മാര്‍ക്സിസ്റ്റായിരുന്നില്ല. എന്നാല്‍ സാമ്രാജ്യത്വത്തിനോട് സന്ധി ചെയ്യുന്ന, മുതലാളിത്തത്തെ നിയന്ത്രിച്ച് അതില്‍ നിന്നും സമത്വം ഊറ്റിയെടുക്കാമെന്ന് വിശ്വസിക്കുന്ന ഒരു 'നിഷ്കളങ്ക' സോഷ്യല്‍ ഡെമോക്രാറ്റുമായിരുന്നില്ല. ചാവേസിന്റെ വര്‍ഗനിലപാട് കൃത്യമായിരുന്നു. താരിഖ് അലിയോടു ചോദിച്ചാല്‍ അദ്ദേഹം പറയും ചാവേസ് ഒരു 'സോഷ്യലിസ്റ്റ് ഡെമോക്രാറ്റാ'യിരുന്നുവെന്ന്. മാനവസമൂഹം നിലനില്‍ക്കണമെങ്കില്‍ മുതലാളിത്തത്തെ പരിവര്‍ത്തിപ്പിക്കണമെന്നു തന്നെ അദ്ദേഹം ഉറച്ചു വിശ്വസിച്ചിരുന്നു. മുതലാളിത്തക്രമത്തെ മാറ്റിത്തീര്‍ത്ത് സോഷ്യലിസം സാധ്യമാക്കണം. അതു ജനാധിപത്യത്തിലൂടെ സാധ്യമാണെന്നും അദ്ദേഹം പറഞ്ഞു.
Read more »

സബ്സിഡികള്‍ വീണ്ടും വെട്ടിച്ചുരുക്കുക, സാമൂഹ്യ മേഖലയിലെ സര്‍ക്കാര്‍ പ്രാതിനിധ്യം കുറയ്ക്കുക, സ്വകാര്യ മൂലധനത്തിന്റെ ആഡംബര സൗകര്യങ്ങള്‍ വര്‍ധിപ്പിക്കുക, അന്തര്‍ദേശീയ ധന മൂലധനത്തിന്റെ ഇച്ഛകള്‍ക്കു മുന്നില്‍ സര്‍ക്കാരിനെ കൂടുതല്‍ ദുര്‍ബലമാക്കുക എന്നിങ്ങനെ ഒരു ഐഡിയല്‍ നവലിബറല്‍ ബജറ്റ് എന്തൊക്കെ ചെയ്യണമായിരുന്നുവോ അതൊക്കെ ചിദംബരത്തിന്റെ ബജറ്റ് ചെയ്യുന്നുണ്ട്. അതില്‍ ധനകാര്യ മന്ത്രിക്കും, അദ്ദേഹത്തിന്റെ പ്രധാന മന്ത്രി, ധനമൂലധനത്തിന്റെ യഥാര്‍ത്ഥ ഉപാസകന്‍, മന്‍‌മോഹന്‍ സിംഗിനും, സര്‍‌വോപരി കോണ്‍ഗ്രസ് പാര്‍ടിക്കും അഭിമാനിക്കാം. ജനം ഇനി നിക്കണ്ട ഓടിക്കോ എന്നു തന്നെയാണ് ബജറ്റിന്റെ...
Read more »

റെയില്‍‌വേയെ പൂര്‍ണമായും പാവങ്ങളില്‍ നിന്നും അകറ്റി വിപണിയുടെ ചിട്ടകള്‍ക്കനുസരിച്ച് ജീവിക്കാന്‍ കഴിയുന്നവര്‍ക്കു മാത്രമായി മാറ്റി തീര്‍ക്കുക എന്ന അജന്‍ഡ പഴുതുകളില്ലാതെ ബന്‍സാല്‍ അവതരിപ്പിച്ചിരിക്കുന്നു. റെയില്‍‌വേ സേവനങ്ങളുടെ ചരക്കുവത്കരണം ഇനി അതിവേഗത്തില്‍ പ്രതീക്ഷിക്കാം. ആധുനിക വത്കരണത്തിന്റെ പേരില്‍ ഉയര്‍ന്ന നിരക്കുകളും, ഉയര്‍ന്ന സ്വകാര്യ പങ്കാളിത്തവും വഴിയേ വരും. റെയില്‍‌വേയുടെ കയ്യിലുള്ള ഭൂമി സ്വകാര്യ പദ്ധതികള്‍ക്കായി നല്‍കി കൊണ്ട് അതില്‍ നിന്നും 1,000 കോടിയോളം കണ്ടെത്തുക എന്ന നിര്‍ദേശം വന്നു കഴിഞ്ഞു.
Read more »

'പണിമുടക്ക്‌ നിഷേധാത്മകമാണ്' എന്ന് പറയുന്നവര്‍ വിദേശവസ്ത്രം കത്തിച്ച ഗാന്ധിജിയോട് 'എന്തിനാണ് അതെല്ലാം കത്തിക്കുന്നത്, പാവങ്ങള്‍ക്ക് കൊടുത്തുകൂടെ?' എന്ന കുയുക്തി ഉയര്‍ത്തിക്കൊണ്ട് വിദേശ വസ്ത്ര ബഹിഷ്ക്കരണം തുരങ്കം വയ്ക്കാന്‍ തുനിഞ്ഞ കൊളോണിയല്‍ ആശ്രിതരുടെ പിന്മുറക്കാരാണ്. അവര്‍ക്ക് ഈ രാജ്യത്തിലെ ഭൂരിപക്ഷം ജനതയുടെ ഐശ്വര്യപൂര്‍ണമായ ജീവിതം ഒരു വിഷയമല്ല തന്നെ. മൂലധനതാത്പ്പര്യങ്ങളും ലാഭക്കൊതിയും മാത്രമാണ് അക്കൂട്ടരുടെ വ്യസനം.
Read more »