പുരസ്കാരമധുരം

Be Sociable, Share!

• 

ദില്ലിപോസ്റ്റ് വായനക്കാര്‍ക്ക് സജിത്ത് കുമാറിന്റെ കാര്‍ട്ടൂണുകള്‍ പരിചയപ്പെടുത്തി തരേണ്ട കാര്യമില്ല. ഒരുപക്ഷേ, ദില്ലിപോസ്റ്റില്‍ നിങ്ങള്‍ ഏറ്റവുമധികം കണ്ട പേരായിരിക്കും ഫൈനാഷ്യല്‍ ക്രോണിക്കിളിലെ സ്റ്റാഫ് കാര്‍ട്ടൂണിസ്റ്റായ സജിത് കുമാറിന്റേത്. ഈ മാഗസിന്റെ ആരംഭം മുതല്‍ സജിത്തിന്റെ പൊളിറ്റിക്കല്‍ കാര്‍ട്ടൂണ്‍ കോളവുമുണ്ട് (സജിത്-സ്പീക്). മാത്രമല്ല, ദില്ലിപോസ്റ്റില്‍ വന്ന പ്രധാനപ്പെട്ട പല ലേഖനങ്ങള്‍ക്കും കാര്‍ട്ടൂണോ, ചിത്രമോ വരച്ച് അവയെ കൂടുതല്‍ ആകര്‍ഷകമാക്കിയതും സജിത്താണ്.  ഉറക്കെ സംസാരിക്കുന്ന കാര്‍ട്ടൂണുകളാണ് സജിത്തിന്റേത് എന്നു പറയാം. വാക്കും വരയും തമ്മില്‍ തീക്ഷ്ണമായ ഒരു സമന്വയം അവിടെ കാണാം. മമതാ ബാനര്‍ജിയുടെ റെയില്‍വേ ബജറ്റു നാടകത്തെ കുറിച്ചുള്ള കാര്‍ട്ടൂണ്‍ തന്നെ ഏറ്റവും പുതിയ ഉദാഹരണം. തന്നെ സജിത്തിനാണ് കേരള ലളിതകലാ അക്കാഡമിയുടെ കഴിഞ്ഞ വര്‍ഷത്തെ മികച്ച കാര്‍ട്ടൂണിനുള്ള പുരസ്കാരം എന്ന വാര്‍ത്ത ദില്ലിപോസ്റ്റിനും സന്തോഷം പകരുന്നതാണ്. സ്വന്തം കാര്‍ട്ടൂണിസ്റ്റ് അംഗീകരിക്കപ്പെടുമ്പോള്‍ ഏതു മാഗസിനാണ് അല്പം ആനന്ദിക്കാത്തത്. 2010 മാര്‍ച്ച് 8ന് സജിത്ത് വരച്ച് ഏഷ്യന്‍ ഏജും ഡെക്കാന്‍ ക്രോണിക്കിളും പ്രസിദ്ധം ചെയ്ത കാര്‍ട്ടൂണാണ് പുരസ്കാരര്‍ഹമായത് (പ്രസ്തുത കാര്‍ട്ടൂണ്‍ താഴെ). പയ്യന്നൂര്‍ സ്വദേശിയായ സജിത്ത് ഫൈനാന്‍ഷ്യല്‍ എക്സ്പ്രസില്‍ ചേരുന്നതിനു മുന്‍പ് ഇന്ത്യന്‍ എക്സ്പ്രസ്, ഔട്ട്ലുക്ക് ബിസിനസ്, ഔട്ട്ലുക്ക് മണി എന്നിവിടങ്ങളില്‍ പണി ചെയ്തിട്ടുണ്ട്. 2009 മേയ് 1 മുതല്‍ ദില്ലിപോസ്റ്റിലും വരച്ചു കൊണ്ടിരിക്കുന്നു. കാര്‍ട്ടൂണിസ്റ്റിന് എല്ലാവിധ മംഗളങ്ങളും.

Award-winning cartoon

Be Sociable, Share!

• 

Tags: Award, cartoon, Sajith Kumar