DataPost: ഉള്ളവന്റെ കഥ!

Be Sociable, Share!

• 

അല്ലെങ്കിലും കാര്യങ്ങള്‍ അങ്ങനെ ഒക്കെ ആണ്. സാമ്പത്തിക മാന്ദ്യം — ആഗോളമോ, തദ്ദേശീയമോ, എന്തുമാകട്ടെ — അതിധനികന്റെ പ്രശ്നം ഒരിക്കലും ആകുന്നില്ല. പണം ചുരുങ്ങുന്നതും ചോരുന്നതും സാധാരണക്കാരന്റെയോ, ഏറിയാല്‍ ഇടത്തരക്കാരന്റെയോ കീശയില്‍ നിന്നും മാത്രമാണ്. സാമ്പത്തിക പ്രസിദ്ധീകരണമായ ഫോര്‍ബ്സ് പുറത്തിറക്കിയ കണക്കുകള്‍ അനുസരിച്ച് അമേരിക്കയിലെ ആദ്യത്തെ നാനൂറു അതിധനികര്‍ 2007ലെ വമ്പന്‍ സാമ്പത്തിക പ്രതിസന്ധിയുടെ കാലത്തുണ്ടായിരുന്ന അത്രയുമോ അതിലേറെയോ പണം ഇപ്പോളും സുന്ദരമായി  കയ്യാളുന്നു. ഇതിനിടല്‍ ഉണ്ടായ പുകിലുകളൊന്നും ഇവരുടെ സമ്പത്തിനെ ബാധിച്ചിട്ടില്ലെന്നു ചുരുക്കും. ഒരു ഉദാഹരണം പറഞ്ഞാല്‍,ഗൂഗിളിന്റെ സ്ഥാപകരായ സെര്‍ജി ബ്രയാനും, ലാരി പേജും തങ്ങളുടെ സമ്പത്ത് ഇക്കാലയളവില്‍ 1.7 ബില്ല്യന്‍ ഡോളര്‍ വര്‍ധിപ്പിച്ചുവെന്നു സാമ്പത്തിക അസമത്വത്തെ പഠിക്കുന്ന സംഘടനയായ inequality.org പറയുന്നു. ഇനിയുമുണ്ട് ഇത്തരം ഉദാഹരണങ്ങള്‍ അനവധി.  ധനം ഉള്ളവന്റെ കയില്‍ കുന്നുകൂടുകതന്നെയാണ്.ഉദാഹരണത്തിന്, 1982ല്‍ അമേരിക്കയിലെ ഏറ്റവും ധനികനായ വ്യക്തി ഷിപ്പിംഗ്-എണ്ണ വ്യവസായി ദാനിയല്‍ ലുഡ്വിഗ് ആയിരുന്നു. അദ്ദേഹത്തിന്റെ സമ്പത്താകട്ടെ രണ്ടു ബില്ല്യന്‍ ഡോളറും. പണപ്പെരുപ്പം അഡ്ജസ്റ്റു ചെയ്തു ഇന്നത്തെ കണക്കില്‍ പറഞ്ഞാല്‍ ഏതാണ്ട് അഞ്ചു ബില്ല്യന്‍ ഡോളര്‍ ($4.7 billion) മാത്രം. 2011ലെ ഫോര്‍ബ്സ് അതിധനികരുടെ ലിസ്റ്റില്‍ $4.7 ബില്ല്യന്‍ന്റെ സ്ഥാനം 66 ആണ്.

Be Sociable, Share!

• 

Tags: Data Post, Economy, Rich