DataPost: കലാപത്തിന്റെ സാമ്പത്തികശാസ്ത്രം

Be Sociable, Share!

• 

അറബ് ലോകത്ത് ഈയിടെയുണ്ടായ ചടുലമാറ്റങ്ങള്‍ പ്രവചനങ്ങളെ വെല്ലുവിളിക്കുന്നതായിരുന്നു. അവയുടെ വരവ് ആരും  തന്നെ മുന്‍കൂട്ടികണ്ടില്ലെന്നു സാരം. അറബ് ലോകത്ത് പൊതുവെ എല്ലാം ശാന്തമെന്ന തോന്നലായിരുന്നു നാളുകളേറെയായി ഉണ്ടായിരുന്നത്. സൂക്ഷ്മനിരീക്ഷകരൊഴികെ ആരും  തന്നെ, പത്രമാധ്യമങ്ങള്‍ പ്രത്യേകിച്ചും, അറബ് സമ്പദ്വ്യവസ്ഥകളുടെ ഉള്ളുകള്ളികള്‍ ചികയാന്‍ മെനക്കെട്ടിരുന്നില്ല. ഈജിപ്ത്, ജോര്ദ്ദാന്‍, ലെബനന്‍, ഒമാന്‍, സുഡാന്‍ എന്നീ രാഷ്ട്രങ്ങള്‍ 2005 മുതല്‍ 2010 വരെ ഏതാണ്ട് ശരാശരി ആറ് ശതമാനം സാമ്പത്തിക വളര്‍ച്ച നേടിയിരുന്നു. സിറിയ, ടുണീഷ്യ, ലിബിയ എന്നിവര്‍ അഞ്ചു ശതമാനം വളര്‍ച്ചയും  ഇക്കാലത്തു നേടിയിരുന്നു. എന്നാല്‍ ഇവിടങ്ങളില്‍  അകമേ സംഘര്‍ഷം പുകയുകയായിരുന്നു.ഇന്റര്‍നാഷനല്‍ ഫൂഡ് പോളിസി റിസര്‍ച്ച് ഇന്‍സ്റ്റിറ്റ്യൂട്ട് ( IFPRI) ഇയ്യ്യിടെ പുറത്തിറക്കിയ ഒരു റിപ്പോര്‍ട്ട് അറബ് ഉണര്‍ച്ചയുടെ സാമ്പത്തികശാസ്ത്രം കണ്ടെത്തുവാനുള്ള ശ്രമമാണ്. അറബ് ലോകത്തെ ഔദ്യോഗിക ദാരിദ്ര്യനിരക്കുകള്‍ മിക്ക ഏഷ്യന്‍ ലത്തീനമേരിക്കന്‍ രാജ്യങ്ങളേക്കാളും  താഴെയാണ്. പക്ഷെ ഇവക്കുള്ളിലെല്ലാം തൊഴിലില്ലായ്മയും, അസമത്വവും പതിയെ പെരുകിപ്പെരുകിവരുന്നുണ്ടായിരുന്നു. ഭക്ഷ്യസുരക്ഷയെച്ചൊല്ലിയുള്ള സന്ദേഹങ്ങളും സജീവമായിരുന്നു. IFPRIയുടെ റിപ്പോര്‍ട്ടില്‍ നിന്നുള്ള ചില ചാര്‍ട്ടുകള്‍ കാണൂ. ഇന്ത്യക്കും മന്‍മോഹനും  അതു ചില പാഠങ്ങള്‍ തരുന്നുണ്ട്.

Be Sociable, Share!

• 

Tags: Data Post, Economy, Economy Development, Egypt, IFPRI, Libya, Middle East, Tunisia